Apple-ը կվերադառնա Intel

Ամերիկյան Apple և Intel կորպորացիաները կվերսկսեն իրենց համագործակցությունը, որը ընդհատվել էր հինգ տարի առաջ։ Այս մասին հայտարարել է հեղինակավոր ինսայդեր Մինգ-Չի Կոն իր X օգտահաշվում։

Intel-ը Apple համակարգիչների համար պրոցեսորներ էր արտադրում երկար տարիներ, մինչև iPhone արտադրողը 2020 թվականին հայտարարեց իր սեփական ARM չիպերի մասին: Ներկայումս դրանք Apple-ի համար արտադրում է թայվանական TSMC ընկերությունը: Մինգ-Չի Կոյի աղբյուրները հայտնել են, որ Թիմ Քուքի ընկերությունը կարող է վերադառնալ իր գործընկերոջ մոտ, սակայն համագործակցության պայմանները կլինեն տարբեր, քան նախկինում:

Վերլուծաբանը տեղեկացել է, որ կողմերը գաղտնի համաձայնագիր են կնքել։ Դրա համաձայն՝ 2027 թվականից սկսած Intel-ը Apple-ի համար կարտադրի ցածրակարգ M-սերիայի պրոցեսորներ, որոնք Apple Silicon շարքի մաս են կազմում։ Սա, հավանաբար, վերաբերում է ապագա M5 բազային մոդելին, այլ ոչ թե M5 Pro-ին կամ M5 Max-ին։ TSMC-ն կմնա Apple-ի առաջատար գործընկերը՝ մատակարարելով առաջադեմ Mac պրոցեսորներ և iPhone չիպեր։