Մակրոնն ու Մերցը Զելենսկիին զգուշացրել են՝ ԱՄՆ-ը կարող է «դավաճանել» Ուկրաինային

Ֆրանսիայի նախագահ Էմանուել Մակրոնը և Գերմանիայի կանցլեր Ֆրիդրիխ Մերցը հեռախոսազրույցի ընթացքում զգուշացրել են Ուկրաինայի նախագահ Վլադիմիր Զելենսկիին ԱՄՆ-ի հնարավոր քաղաքական շրջադարձի մասին։ Ինչպես գրում է Der Spiegel, զրույցի արձանագրությունը ցույց է տալիս, որ եվրոպական առաջնորդները խոր անվստահություն են հայտնել Վաշինգտոնի գործողությունների նկատմամբ։

Մակրոնը հայտարարել է, որ ԱՄՆ-ը կարող է «դավաճանել Ուկրաինային տարածքային հարցում»՝ առանց հստակ անվտանգության երաշխիքների։ Նրա խոսքով՝ նման զարգացումն «լուրջ վտանգ» է ստեղծում Զելենսկու համար։ Մերցը համակարծիք է եղել՝ հորդորելով ուկրաինայի նախագահին «ծայրահեղ զգուշությամբ» մոտենալ առաջիկա օրերին, ընդգծելով, որ ԱՄՆ-ն «խաղեր է խաղում» ինչպես Ուկրաինայի, այնպես էլ Եվրոպայի հետ։ Նրա ենթատեքստում հիշատակվել են ԱՄՆ նախագահի հատուկ բանագնաց Սթիվեն Ուիթկոֆը և Դոնալդ Թրամփի փեսա Ջարեդ Քուշները։

Ավելի վաղ El País–ը գրել էր, որ եվրոպացի քաղաքական գործիչները մտավախություն ունեն հնարավոր դիվանագիտական ճեղքման վերաբերյալ ԱՄՆ-ի հետ։ Պարբերականի տվյալներով՝ եվրոպական շրջանակներում կասկածում են, որ Դոնալդ Թրամփը, որը բարենպաստ վերաբերմունք չունի Եվրոպայի նկատմամբ, շարունակելու է անհերքելի աջակցություն ցուցաբերել Կիևին։