Երևանը պարզապես անտեսել է էթիկական չափանիշները․ Զախարովա

Ռուսաստանի արտաքին գործերի նախարարության խոսնակ Մարիա Զախարովան մեկնաբանել է ղարաբաղյան հակամարտության կարգավորման բանակցային գործընթացի փաստաթղթերի հրապարակումը։

«Մենք ուշադրություն ենք դարձրել այս տեղեկատվական արշավին։ Նախևառաջ, կարծում եմ, կարևոր է նշել ակնհայտը. Երևանը պարզապես անտեսել է էթիկական չափանիշները՝ բացահայտելով Մինսկի խմբի երեք համանախագահների աշխատանքային նյութերը, և հատկապես պետությունների ղեկավարների միջև նամակագրությունը՝ առանց շահագրգիռ կողմերի համապատասխան թույլտվության», - ասել է Զախարովան։

Հիշեցնենք, որ երեքշաբթի օրը Հայաստանի կառավարության կայքում հրապարակվել են ղարաբաղյան հակամարտության կարգավորման բանակցային գործընթացի փաստաթղթերը։