India Today-ը ցուցադրել է մուլտֆիլմ Պուտինի և Մոդիի մասին՝ ընդգծելով նրանց բարեկամական հարաբերությունները

Հնդկական India Today հեռուստաալիքը, որը վերջերս հարցազրույց է անցկացրել Ռուսաստանի նախագահ Վլադիմիր Պուտինի հետ, իր YouTube-ի So Sorry հարթակում հրապարակել է անիմացիոն տեսահոլովակ՝ ներկայացնելով Պուտինի և Հնդկաստանի վարչապետ Նարենդրա Մոդիի կերպարները։ Մուլտֆիլմում երկու առաջնորդները մոտոցիկլով շրջում են նավթային հանքավայրերի շրջանում և երգում բարեկամությանը նվիրված երգ։

Տեսահոլովակում նրանք կանգ են առնում երկու բենզալցակայանների մոտ՝ ռուսականի և ամերիկյանի։ ԱՄՆ նախագահ Դոնալդ Թրամփը փորձում է վառելիք լցնել իր մոտոցիկլը ամերիկյան կայանում, սակայն Պուտինն ու Մոդին ընտրում են ռուսականը, լիցքավորում են բաքը և հեռանում՝ ինչն առաջացնում է Թրամփի բացահայտ դժգոհությունը։ Մուլտֆիլմը նպատակ ունի պատկերավոր ընդգծել Մոսկվայի և Նյու Դելիի տնտեսական ու քաղաքական կապերը։

Պուտինը դեկտեմբերի 4-ին երկօրյա այցով ժամանել էր Հնդկաստան և նույն օրը հանդիպել էր Մոդիին ոչ պաշտոնական պայմաններում։ Նախորդ երեկոյան՝ դեկտեմբերի 3-ին, Russia Today-ին տրված հարցազրույցում Պուտինը խոսել էր նաև ԱՄՆ նախագահի հատուկ բանագնաց Սթիվեն Ուիթքոֆի հետ բանակցությունների մասին։ Զրույցը տևել է 100 րոպե՝ նախատեսված 60-ի փոխարեն։