Թրամփը մասնակցել է Սպիտակ տան ծննդյան եղևնու լուսավորման ավանդական արարողությանը

ԱՄՆ նախագահ Դոնալդ Թրամփը և առաջին լեդի Մելանիա Թրամփը մասնակցել են Սպիտակ տան մոտ անցկացված ազգային ծննդյան եղևնու ավանդական լուսավորման արարողությանը։ Fox News–ի տեղեկացմամբ՝ միջոցառումը շարունակվում է արդեն ավելի քան մեկ դար և համարվում է ամերիկյան Սուրբ Ծննդյան գլխավոր խորհրդանշական իրադարձություններից մեկը։

Իր ելույթում նախագահը շնորհավորել է ինչպես միջոցառմանը ներկա հյուրերին, այնպես էլ ամբողջ երկրին՝ մաղթելով ուրախ ու խաղաղ Սուրբ Ծնունդ։ Ըստ հաղորդման՝ այս տարվա եղևնին Վիրջինիայի Ջորջ Վաշինգտոնի և Ջեֆերսոնի ազգային անտառներից է բերվել։

Նշվում է նաև, որ ավելի վաղ հայտնի էր դարձել՝ Թրամփը ՖԻՖԱ-ի կողմից կներկայացվի «Խաղաղության մրցանակի» համար, որը նրան կհանձնվի 2026 թվականի ֆուտբոլի աշխարհի առաջնության խմբային փուլի ժերեբյովկայի ընթացքում։