Եվրոպացի առաջնորդները բողոքել են Թրամփից

Եվրամիության երկրների ղեկավարները դժգոհում են, որ ԱՄՆ նախագահ Դոնալդ Թրամփի վարչակազմն իրենց անտեղյակության մեջ է պահել ռուս-ուկրաինական հակամարտության կարգավորման շուրջ խաղաղ բանակցությունների ընթացքի վերաբերյալ: Այս մասին, հղում անելով ԵՄ բարձրաստիճան աղբյուրներին, հայտնում է ամերիկյան The Washington Post թերթը։

«Թրամփի մոտեցման պատճառով եվրոպացի առաջնորդները մշտապես անտեղյակության մեջ են մնացել՝ հենվելով վերջին իրադարձությունների մասին արտահոսքերի և նորությունների վրա», - հայտնում է պարբերականը:

Ինչպես հայտնել է ԵՄ անվտանգության ոլորտում հետազոտությունների ինստիտուտի վերլուծաբան և ՆԱՏՕ-ի քաղաքականության հարցերով նախկին խորհրդական Ջուզեպպե Սպատաֆորան, «այդ կարծիքը գնալով ավելի տարածված է դառնում եվրոպական առաջնորդների շրջանում»:

Փորձագետի խոսքով՝ եվրոպացիները պետք է «հարմարվեն նոր իրականությանը»։