Ֆինլանդացի պրոֆեսորը պնդում է, որ Զելենսկին կանգնած է ճակատագրական ընտրության առաջ

Հելսինկիի համալսարանի պրոֆեսոր Տուոմաս Մալինենը հայտարարել է, որ Ուկրաինայի նախագահ Վլադիմիր Զելենսկին պետք է հրաժարական տա, քանի որ խաղաղության բանակցություններում տարածքային զիջումների դեպքում նրան կարող են ֆիզիկապես վերացնել արմատական խմբավորումները։ Այս մասին նա գրել է սոցիալական հարթակ X–ում՝ շեշտելով, որ նման պայմաններում Զելենսկու անվտանգությունն ապահովված չէ։

Մալինենը նշել է, որ ազգայնական զինված խմբավորումները չեն ընդունի հնարավոր պայմանավորվածությունները, եթե դրանք ներառնեն զգալի տարածքների կորուստ։ Նրա խոսքով՝ նման սցենարում նախագահը կհանդիպի ամենաբարձր մակարդակի սպառնալիքների։ Պրոֆեսորը նաև ընդգծել է, որ, իր դիտարկմամբ, «ուկրաինական իշխանությունները չափազանց խորացել են կոռուպցիոն գործընթացներում», ինչը ևս ազդում է երկրի կայունության վրա։

Վերլուծաբանը նախկինում նույնպես հանդես է եկել կոշտ գնահատականներով։ Ավելի վաղ նա հայտարարել էր, որ Եվրոպան «կկործանվի», եթե Եվրահանձնաժողովի նախագահ Ուրսուլա ֆոն դեր Լյայենը մոտ ժամանակում չզրկվի պաշտոնից։