ԱՄՆ-ն սպառնացել է դադարեցնել մասնակցությունը ՆԱՏՕ-ի մի շարք մեխանիզմներին, եթե Եվրոպան չբարձրացնի ռազմական ծախսերը

ԱՄՆ-ը զգուշացրել է եվրոպական դաշնակիցներին, որ կարող է դադարեցնել մասնակցությունը ՆԱՏՕ-ի պաշտպանության համակարգի որոշակի համակոորդինացիոն մեխանիզմներին, եթե Եվրոպան մինչև 2027 թվականը իր վրա չվերցնի դաշինքի պաշտպանական ծախսերի զգալի մասը։ Այս մասին հայտնում է Reuters-ը՝ հղում կատարելով դիվանագիտական աղբյուրներին։

Հաղորդվում է, որ ԱՄՆ-ի ուղերձը փոխանցվել է եվրոպական դիվանագետներին Վաշինգտոնում՝ Պենտագոնի այն աշխատակազմի հանդիպման ժամանակ, որը համակարգում է ՆԱՏՕ-ի գործունեությունը։ Պենտագոնի ներկայացուցիչները նշել են, որ Եվրոպայի առաջընթացը պաշտպանական կարողությունների բարձրացման գործում չի բավարարում Վաշինգտոնին, և սահմանված ժամկետներում չկատարելու դեպքում ԱՄՆ-ը կարող է դուրս գալ մի շարք համատեղ մեխանիզմներից։

Եվրոպացի մի շարք պաշտոնյաներ այս պահանջվող ժամկետները գնահատել են անհասանելի։ Ավելի վաղ էլ հաղորդվել էր, որ ԱՄՆ-ը նախատեսում է մինչև 2027 թվականը եվրոպացիներին փոխանցել ՆԱՏՕ-ի ծախսերի մեծ մասը՝ սկսած հետախուզական համակարգերից մինչև հրթիռային ծրագրեր։