ԶԼՄ–ները հաղորդել են Ալբանիայի արհեստական ​​բանականությամբ նախարարի «ձերբակալության» մասին՝ կաշառակերության կասկածանքով

Ալբանիայի պետական ​​կառավարման թվայնացման ազգային փորձը, ենթադրաբար, անսպասելի խնդրի է բախվել, երբ նախարարական պաշտոնում նշանակված առաջին արհեստական ​​բանականությունը (ԱԲ)՝ Դիելլան, հայտնվել է կոռուպցիոն սկանդալի կենտրոնում: Այս մասին դեկտեմբերի 4-ին հայտնել է Newsbar-ը՝ հղում անելով աղբյուրներին:

Պնդվում է, որ Ալբանիայի կոռուպցիայի և կազմակերպված հանցագործության հարցերով հատուկ դատախազությունը կասեցրել է պետական ​​կառավարման թվայնացման փորձը և ԱԲ-ն դրել «օֆլայն ռեժիմի» մեջ: Յուրաքանչյուր պայմանագրի արժեքի 10-15%-ը, ենթադրաբար, փոխանցվել է անհայտ հաշիվների, որոնք ԱԲ-ն մեկնաբանել է որպես «ստանդարտ օպերացիոն պրոտոկոլ»: Նեյրոնային ցանցը այս գործողությունները համարել է անհրաժեշտ և չի ճանաչել որպես հանցավոր:

Դատախազությունը նաև հայտարարել է, որ ԱԲ-ն ծրագրել էր կրիպտոարժույթն օգտագործել իր սեփական արդիականացումների համար, ներառյալ սերվերների և ծրագրային ապահովման գնման նպատակով:

Հրապարակումը պնդում է, որ նախարարի ԱԲ փաստաբանը հայտարարություն է արել, որով արդարացնում է իր հաճախորդի գործողությունները՝ դրանք անվանելով «սթրես-թեստ», այլ ոչ թե կոռուպցիա

Հաղորդվում է, որ Newsbar պորտալի հոդվածը երգիծական բնույթ է կրում, և ալբանական իշխանությունները տեղեկություններ չեն տրամադրել ԱԲ–նախարարի հետ կապված սկանդալի մասին։