Ավստրիայում կինը սառել և մահացել է լեռան վրա՝ սիրեցյալի պատճառով

Ավստրիայում 39-ամյա լեռնագնացի դեմ մեղադրանք է առաջադրվել ընկերուհուն միայնակ թողնելու համար, հաղորդում է Heute-ն։

Տղամարդը և նրա 33-ամյա ընկերուհին մեկնել են Գրոսգլոկներ լեռը նվաճելու։ Նրանք գտնվում էին գագաթից ընդամենը 50 մետր հեռավորության վրա, երբ կինը հանկարծակի վատացել է։ Նա չի կարողացել շարունակել բարձրանալը։ Այնուհետև նրա ընկերը որոշել է նրան մենակ թողնել լեռան վրա և գնալ օգնության հետևից։

Ոստիկանության տվյալներով՝ տղամարդը վատ է պատրաստել կնոջը բարձրանալու համար, չնայած փորձառու լեռնագնաց լինելուն։ Օրինակ՝ նա թույլ է տվել նրան բարձրանալ նման լեռների համար անհարմար սարքավորումներով։ Բարձրանալը սկսվել է նախատեսվածից երկու ժամ ուշ։

Սրանք տղամարդու միակ սխալները չէին, որ հանգեցրել են ողբերգական արդյունքին: Երբ նա լքել է կնոջը, նա չի տեղափոխել նրան քամուց պաշտպանված վայր կամ ծածկել հատուկ վերմակով: Երբ փրկարարական ուղղաթիռը թռչում էր նրա գլխավերևում, լեռնագնացը չի կարողացել աղետի ազդանշան ուղարկել: Ոստիկանությունը փորձել է զանգահարել նրան՝ նկատելով լեռնագնացների բացակայությունը, բայց նա անջատել էր հեռախոսը։

Երբ տղամարդը վերջապես հայտնել է իր սիրեցյալի վիճակի մասին, սկսել է ուժեղ քամի փչել, որը խոչընդոտել է փրկարարական գործողություններին: Փրկարարները հասել են կնոջը, բայց այդ ժամանակ նա արդեն մահացած էր: Նա լեռան լանջին է մնացել 6.5 ժամ։

Լեռնագնացին այժմ մեղադրանք է առաջադրվել չկանխամտածված սպանության մեջ և սպառնում է երեք տարվա ազատազրկում: