Պետր Յանը վերադարձրել է չեմպիոնական գոտին

ԱՄՆ-ի Լաս Վեգաս քաղաքում կայացած UFC 323-ի գլխավոր մենամարտում թեթևագույն քաշային կարգի (մինչև 61 կգ) դասակարգման երրորդ համար Պետր Յանը 5 ռաունդ տևած պայքարում հաղթանակի հասավ նույն քաշային կարգի վրացի չեմպիոն Մերաբ Դվալիշվիլիի նկատմամբ։

«Այս պահը շատ կարևոր է և հուզիչ։ Երբ հասկանում եմ՝ ինչպես եմ սրան հասել, անգին է։ Հիմա ես լավագույնն եմ։ Ի՞նչ է լինելու հետո։ Ժամանակ կանցնի, և մենք կխոսենք ղեկավարության հետ։ Ես պատրաստ եմ», - մեկնաբանել է Յանը իր հաղթանակի մասին։

Դվալիշվիլին և Յանը նախկինում էլ են հանդիպել։ Նրանց առաջին մենամարտը տեղի է ունեցել 2023 թվականի մարտի 11-ին Լաս Վեգասում։ Վրացի բռնցքամարտիկը հաղթել էր միաձայն որոշմամբ։

Յանը 32 տարեկան է։ Նա ներկայումս ունի 20 հաղթանակ (յոթը նոկաուտով) և հինգ պարտություն։ 2020 թվականից ի վեր Յանը  կրում էր UFC-ի թեթևքաշային կարգի տիտղոսը, սակայն 2021 թվականի մարտին այն զիջեց ամերիկացի Ալջամեյն Սթերլինգին։ Տիտղոսը ռուս բռնցքամարտիկից զրկել են  որակազրկման պատճառով։ Նա UFC-ի ժամանակավոր թեթևքաշային կարգի տիտղոսը կրել է 2021 թվականի հոկտեմբերից մինչև 2022 թվականի ապրիլը։ Յանը ներկայումս UFC-ի թեթևքաշային կարգի վարկանիշային աղյուսակում զբաղեցնում է երրորդ տեղը։