Շիրակի թեմի բոլոր հոգևորականները, Գյումրու բնակիչները կրկին մերժեցին Փաշինյանին․ Իշխան Սաղաթելյան (տեսանյութ)

«Չարիրքի իշխանության պարագլուխը ձերբակալեց Շիրակի հոգևոր թեմի առաջնորդ Միքայել Սրբազանին, ապա Գյումրու քաղաքապետին և նրա հարազատներին՝ փորձելով ապահովել իր ազատ մուտքը Գյումրի և բեմադրել հերթական կեղծ պատարագը։ Բայց արդյունքում ինչ ստացվեց․ Շիրակի թեմում չգտնվեց որևէ հոգևորական, որ կհամաձայնվեր այս սրբապիղծների համար մատուցել պատարագ։ Եվ միաժամանակ, չնայած անվտանգության աննախադեպ միջացառումներին, եկեղեցու ներսում գտնվեցին արժանապատիվ քրիստոնյա քաղաքացիներ, ովքեր ասացին այն, ինչ պետք է ասվեր»,– այս մասին հայտարարել է ՀՅԴ ՀԳՄ ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը։

Հիշեցնենք, որ Յոթ Վերք եկեղեցում մատուցված պատարագին մասնակցել են ՀՀ վարչապետ Նիկոլ Փաշինյանը, նախագահ Վահագն Խաչատուրյանը, կառավարության անդամներ, պատգամավորներ, ՔՊ աջակիցներ։ Շիրակի թեմի որևէ հոգևորական այնտեղ ներկա չէր, քանի որ նրանք հրաժարվել էին պատարագը մատուցել կաթողիկոսի անունը զեղչելով։

Մանրամասները՝ տեսանյութում։