ԵՄ յոթ երկրների առաջնորդները նամակ են գրել դաշինքի ղեկավարությանը Ռուսաստանի ակտիվների վերաբերյալ

ԵՄ յոթ երկրների ղեկավարներ նամակ են գրել Եվրահանձնաժողովի նախագահ Ուրսուլա ֆոն դեր Լեյենին և Եվրախորհրդի նախագահ Անտոնիո Կոստային՝ կոչ անելով Ուկրաինային աջակցելու համար առգրավել սառեցված ռուսական ակտիվները: Փաստաթղթի տեքստը հասանելի է «Եվրոպեյսկայա պրավդային»։

Հրապարակման համաձայն՝ նամակի հեղինակներն են Էստոնիայի վարչապետ Քրիստեն Միխալը, Ֆինլանդիայի վարչապետ Պետերի Օրպոն, Լիտվայի նախագահ Գիտանաս Նաուսեդան, Լեհաստանի վարչապետ Դոնալդ Տուսկը, Իռլանդիայի վարչապետ Միխալ Մարտինը, Լատվիայի վարչապետ Էվիկա Սիլինան և Շվեդիայի վարչապետ Ուլֆ Քրիստերսոնը։

«Մենք ձգտում ենք երկարաժամկետ, հուսալի աջակցության, որը կամրապնդի Ուկրաինան: Հաշվի առնելով Ուկրաինայի բյուջետային և ռազմական կարիքների ներկայիս մասշտաբները և հրատապությունը, մենք վճռականորեն աջակցում ենք Հանձնաժողովի առաջարկին՝ ԵՄ-ում սառեցված ռուսական ակտիվներից ֆինանսավորվող փոխհատուցման վարկ տրամադրելու վերաբերյալ», - ասվում է նամակում։