ԱՄՆ-ում բացահայտել են՝ ինչպես են պատժամիջոցները ազդել Ռուսաստանի գործողությունների վրա

ԱՄՆ նախագահ Դոնալդ Թրամփի նախկին խորհրդական Ջորջ Պապադուպլոսը ՌԻԱ Նովոստիին ասել է, որ Մոսկվայի դեմ ԱՄՆ պատժամիջոցների միակ իրական հետևանքը Ռուսաստանի և Չինաստանի միջև մերձեցումն է։

Մեկնաբանելով սահմանափակումների ազդեցությունը Մոսկվայի քաղաքականության վրա՝ նա ընդգծել է, որ դրանք «միայն նպաստում են Չինաստանի և Ռուսաստանի միջև մերձեցմանը»։

Ավելի վաղ ԱՄՆ նախագահ Դոնալդ Թրամփը հայտարարել էր, որ Ռուսաստանը կցանկանար կարգավորել առևտրային հարաբերությունները ԱՄՆ-ի հետ։ Նա այս հայտարարությունն արել է հատուկ դեսպանորդ Սթիվեն Ուիթկոֆի և Ջարեդ Քուշների հետ զրույցից հետո, որոնք նախօրեին բանակցություններ էին վարել Ռուսաստանի նախագահ Վլադիմիր Պուտինի հետ։