Հայաստանի ԱԽ քարտուղար Արմեն Գրիգորյանը և Ալիևի օգնական Հաջիևը համատեղ հարցազրույց են տվել

Ադրբեջանի նախագահի օգնական Հիքմեթ Հաջիևը և Հայաստանի անվտանգության խորհրդի քարտուղար Արմեն Գրիգորյանը համատեղ հարցազրույց են տվել Euronews-ին։

Ադրբեջանի նախագահի օգնականը և Հայաստանի անվտանգության խորհրդի քարտուղարը խոսել են խաղաղության գործընթացի մեկնարկի և այն համատեղ ապագայի մասին, որին երկու երկրներն այժմ պետք է ձգտեն։

Հաջիևի հիմնական հայտարարությունները.

Երկու կողմերն էլ լավ հնարավորություն ունեին հանդիպելու Բրյուսելում, որից հետո երկու երկրների ղեկավարները որոշեցին շարժվել դեպի խաղաղություն և մի կողմ դնել իրենց տարաձայնությունները։

Համատեղ խաղաղության գործընթացը հաջողության պատմություն է հակամարտությունների և պատերազմների համաշխարհային համատեքստում։

Հակամարտության այս գլուխը փակվել է, և իրական խաղաղություն է հաստատվել։ Ադրբեջանը՝ Հայաստանի հետ միասին, ձեռնամուխ է լինում տարածաշրջանում լայնածավալ տնտեսական զարգացման՝ ի շահ երկու երկրների։

Վաշինգտոնում ձեռք բերված համաձայնությունը կհանգեցնի երկու երկրների միջև «Թրամփի երթուղու» իրականացմանը, որը ամբողջությամբ կփոխի Եվրասիական մայրցամաքի տրանսպորտային քարտեզը։

Արմեն Գրիգորյանի հիմնական հայտարարությունները.

Երկու երկրների ղեկավարները քննարկել են՝ ինչպես խաղաղություն և կայունություն բերել տարածաշրջան, ինչը հանգեցրել է խաղաղության ինստիտուցիոնալացման և առաջ շարժվելու վերաբերյալ քննարկումների։

Տարածաշրջանային տնտեսական նախագծերի իրականացումը կբարձրացնի փոխկախվածությունը, կամրապնդի խաղաղությունը և տնտեսական օգուտներ կբերի երկու հասարակություններին։

«Թրամփի երթուղու» իրականացումն այժմ ինտենսիվորեն քննարկվում է Միացյալ Նահանգների հետ։