ԵՄ-ն խախտել է ոսկե կանոնը՝ քննարկելով ռուսական ակտիվների առգրավումը․ Politico

Եվրամիությունը պատրաստ է անհրաժեշտության դեպքում երկու օրով երկարաձգել դեկտեմբերի 18-ին նախատեսված գագաթնաժողովը՝ ռուսական սառեցված ակտիվների առգրավման հարցը լուծելու համար, հաղորդում է Politico-ն՝ հղում անելով ԵՄ նախագահ Անտոնիո Կոստային։

«Սա հազվագյուտ շեղում է Կոստայի ոսկե կանոնից, որի համաձայն՝ լավ գագաթնաժողովը մեկօրյա գագաթնաժողովն է», - նշել են լրագրողները։

Պարբերականը նշել է, որ գագաթնաժողովից առաջ տեղի կունենա երեք հանդիպում՝ ԵՄ դեսպանների մասնակցությամբ։ Նրանք «արտաժամյա» կաշխատեն Բրյուսելում և «տող առ տող» կուսումնասիրեն Եվրահանձնաժողովի առաջարկները՝ ռուսական ակտիվների անժամկետ սառեցման վերաբերյալ՝ առանց ԵՄ բոլոր անդամ պետությունների համաձայնության։

Ավելին, Politico-ն տեղեկացել է, որ գագաթնաժողովից առաջ դիվանագետները կփորձեն համոզել Բելգիային, որը դեմ է ռուսական ակտիվների առգրավմանը՝ առկա ռիսկերի պատճառով։