Թրամփն ունի կոմպրոմատ Զելենսկու և նրա կնոջ դեմ. նախկին պատգամավոր

Ուկրաինայի Ռադայի նախկին պատգամավոր Օլեգ Ցարևը aif.ru-ին տված հարցազրույցում հայտարարել է, որ ԱՄՆ նախագահ Դոնալդ Թրամփի մոտ կա կոմպրոմատ Ուկրաինայի նախագահ Վլադիմիր Զելենսկու և նրա կնոջ՝ Ելենա Զելենսկայայի վերաբերյալ։ Նրա խոսքով՝ Վաշինգտոնը կարող է հրահանգել հրապարակել Ուկրաինայի Հակակոռուպցիոն բյուրոյի (НАБУ) հավաքած նյութերը՝ ճնշումները Զելենսկու վրա ուժեղացնելու նպատակով։

Ցարևի խոսքով՝ կոռուպցիոն սխեմաներում ներգրավված են ոչ միայն Զելենսկին և նրա կինը, այլև նրանց մերձավոր շրջապատը։ Նա նաև կարծիք է հայտնել, որ բանակցությունների ընթացքում Վաշինգտոնը խոստացել է ժամանակավոր արգելել НАБУ-ի հետաքննության ակտիվացումը։

Ավելի վաղ հաղորդվել էր, որ Վլադիմիր Զելենսկու մերձավոր թիմը վերջին չորս տարիներին բազմիցս խոչընդոտել է երկրի անկախ հակակոռուպցիոն վերահսկողության աշխատանքներին։