Bloomberg․ SpaceX-ը ծրագրում է IPO-ի միջոցով ներգրավել ավելի քան 30 ԱՄՆ միլիարդ դոլար

Ամերիկյան մասնավոր տիեզերական ընկերությունը՝ SpaceX-ը, պատրաստվում է պատմության խոշորագույն IPO-ներից մեկը՝ նպատակ ունենալով ներգրավել 30 միլիարդ դոլար կամ ավելի։ Ինչպես հայտնում է Bloomberg-ը՝ հղում անելով աղբյուրներին, ընկերության գնահատված արժեքը հասել է 1,5 տրիլիոն դոլարի, և IPO-ն նախնական հաշվարկով կարող է անցկացնել 2026 թվականի կեսից մինչև վերջ, սակայն շուկայի պայմաններից կախված՝ կարող է տեղափոխվել 2027 թվական։

Մասկի ընկերությանը գումար է անհրաժեշտ տիեզերքում տվյալների կենտրոնների կառուցման և դրանց համար անհրաժեշտ չիպերի գնման համար։ Չնայած SpaceX-ը հիմնադրվել է դեռևս 2002-ին, այն մինչ օրս չի դիմել IPO-ի, քանի որ բավարար ֆինանսական հոսքեր ուներ և կարիք չէր զգում լրացուցիչ ներդրումների։ Աղբյուրների գնահատմամբ՝ ընկերության այս տարվա եկամուտը կհասնի մոտ 15 միլիարդ դոլարի, իսկ 2026-ին այն կարող է աճել մինչև 22–24 միլիարդ։ Շահույթի հիմնական աղբյուրը շարունակում է մնալ Starlink արբանյակային ինտերնետային համակարգը։

Վերջին ամիսներին Մասկը նաև շարունակում է ներգրավվել քաղաքական քննարկումներում։ Ավելի վաղ նա հայտարարել էր, որ ափսոսում է պետական կառավարման ոլորտ մտնելու որոշման համար։ Վերջերս Մասկը նույնիսկ առաջարկել էր լուծարել Եվրամիությունը՝ «վերադարձնելով իշխանությունը ժողովրդին», ինչին պատասխանել էր Լեհաստանի ԱԳ նախարար Ռադոսլավ Սիկորսկին՝ հեգնելով, որ Մասքը նախ պետք է կատարի իր խոստումը և «թռչի Մարս»։