ԱԳՆ գլխավոր քարտուղարն ու Գեորգիոս Միտրակոսը քննարկել են «Խաղաղության խաչմերուկ» և TRIPP նախագծերը
Քաղաքական
Հայաստանի Հանրապետության արտաքին գործերի նախարարության գլխավոր քարտուղար Դավիթ Կարապետյանն Աթենքում հանդիպել է Սևծովյան ուսումնասիրությունների միջազգային կենտրոնի (ICBSS) տնօրեն Գեորգիոս Միտրակոսի հետ: Այս մասին հայտնում են Հայաստանի ԱԳ նախարարությունից։
Նշվում է, որ հանդիպման ընթացքում Դավիթ Կարապետյանը զրուցակցին է ներկայացրել ընթացիկ տարվա օգոստոսի 8-ին Վաշինգտոնում Հայաստանի և Ադրբեջանի միջև ձեռք բերված համաձայնությունները:
Անդրադարձ է կատարվել ՀՀ կառավարության «Խաղաղության խաչմերուկ» նախաձեռնությանը և դրա կարևոր բաղադրիչ «ԹՐԻՓՓ ուղի» ծրագրին և ընդգծվել տարածաշրջանային փոխկապակցվածության համատեքստում դրանց կյանքի կոչման կարևորությունը:
«ՀՀ ԱԳՆ գլխավոր քարտուղարը և Գեորգիոս Միտրակոսը քննարկել են «Երևանյան երկխոսություն» համաժողովի շրջանակներում Սևծովյան ուսումնասիրությունների միջազգային կենտրոնի հետ համագործակցության հեռանկարները»,-նշված է ԱԳՆ-ի տարածած հաղորդագրության մեջ: Հաղորդվում է, որ զրուցակիցները նաև մտքեր են փոխանակել տարածաշրջանային և գլոբալ զարգացումներին առնչվող մի շարք հարցերի շուրջ:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
