ԱՄՆ-ն արդյունավետ խորհրդակցություններ է անցկացրել Ուկրաինայի հարցով. Ուիթկոֆ
ԱՄՆ
ԱՄՆ-ի, Մեծ Բրիտանիայի, Գերմանիայի, Ֆրանսիայի և Ուկրաինայի ներկայացուցիչները հեռախոսազրույցներ են ունեցել և քննարկել Կիևի անվտանգության երաշխիքների ամրապնդման հնարավորությունը։ Այս մասին X սոցիալական ցանցում հայտարարել է ԱՄՆ նախագահի հատուկ դեսպանորդ Սթիվ Ուիթկոֆը։
Նա մանրամասնել է, որ զրույցին մասնակցել են ԱՄՆ պետքարտուղար Մարկո Ռուբիոն, Սպիտակ տան փեսան՝ Ջարեդ Քուշները, Մեծ Բրիտանիայի վարչապետի ազգային անվտանգության հարցերով խորհրդական Ջոնաթան Փաուելը, Ֆրանսիայի նախագահի արտաքին գործերի խորհրդական Էմանուել Բոնը, Գերմանիայի կանցլերի արտաքին քաղաքականության հարցերով խորհրդական Գյունտեր Սաուտերը և Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովը։
«Քննարկվել են եվրոպական խաղաղության գործընթացի հետագա քայլերը։ Հատուկ ուշադրություն է դարձվել ԱՄՆ նախագահի խաղաղության նախաձեռնության շրջանակներում քննարկումները առաջ մղելու գործնական ուղիներին, այդ թվում՝ անվտանգության երաշխիքների ամրապնդմանը և հակամարտությունների կանխարգելման արդյունավետ մեխանիզմների մշակմանը՝ պատերազմը դադարեցնելու և դրա վերսկսումը կանխելու համար», - նշվում է հրապարակման մեջ։
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
