Հունգարիան անհիմն է համարում Ուկրաինայի 20 կետանոց խաղաղության ծրագիրը

Հունգարիան Ուկրաինայի 20 կետից բաղկացած խաղաղության ծրագիրը համարում է անհիմն։ Այս մասին, ինչպես հաղորդում է ՏԱՍՍ-ը, ճեպազրույցի ժամանակ հայտարարել է վարչապետի գրասենյակի ղեկավար Գերգելի Գուլյասը։

«Այս ծրագիրը նախատեսում է, որ Ուկրաինան միանա Եվրամիությանը 2027 թվականին։ Մենք դա անհնար ենք համարում, և մենք այս հարցում միայնակ չենք», - ասել է նա։

Ավելին, Ուկրաինան ցանկանում է, որ Արևմտյան երկրները 10 տարվա ընթացքում 800 միլիարդ դոլար տրամադրեն վերակառուցման համար։

Գուլյասը կարծիք է հայտնել, որ այս գումարով կարելի էր Հունգարիայում մի քանի տասնամյակ կենսաթոշակներ վճարել։ Նա հավելել է, որ Բուդապեշտը մտադիր չէ մասնակցել Կիևի համար նախատեսված այս օգնության ծրագրերին։