Մակրոնը քննադատել է Թրամփի օրոք ԱՄՆ արտաքին քաղաքականությունը

Ֆրանսիայի նախագահ Էմանուել Մակրոնը խստորեն դատապարտել է Դոնալդ Թրամփի օրոք ԱՄՆ արտաքին քաղաքականությունը՝ հայտարարելով, որ Վաշինգտոնը «հեռանում է միջազգային կանոններից» և որ աշխարհը վտանգում է դառնալ «ավազակների որջ»։

«ԱՄՆ-ն հաստատված տերություն է, բայց այն աստիճանաբար հեռանում է իր որոշ դաշնակիցներից և ազատվում է այն միջազգային կանոններից, որոնք մինչև վերջերս քարոզում էր», - հայտարարել է Մակրոնը։

Նա հավելել է, որ «բազմակողմ ինստիտուտները գործում են ավելի ու ավելի քիչ արդյունավետ», և մեծ տերությունները «բախվում են աշխարհը բաժանելու իրական գայթակղությանը»։ Նա վստահեցրել է, որ Փարիզը «մերժում է նոր գաղութատիրությունը և նոր իմպերիալիզմը, ինչպես նաև վասալիան և պարտվողականությունը»։

Ինչպես նշվում է հոդվածում, Մակրոնը ուղղակիորեն չի անդրադարձել դրան, բայց նա ակնարկել է Վաշինգտոնի գործողությունները Վենեսուելայում, ինչպես նաև Թրամփի հռետորաբանությունը՝ Գրենլանդիայի բռնագրավման վերաբերյալ։