Թրամփը Պենտագոնից ստացել է Իրանի դեմ հնարավոր ռազմական գործողությունների ցանկը. The New York Times

ԱՄՆ նախագահ Դոնալդ Թրամփը վերջին օրերին Պենտագոնից ստացել է Իրանի դեմ հնարավոր ռազմական գործողությունների ընդլայնված ցանկ, որը ներառում է հարվածներ միջուկային և հրթիռային օբյեկտների ուղղությամբ, ինչպես նաև գործողություններ, որոնք նպատակ ունեն թուլացնել երկրի ղեկավարությունը։ Այդ մասին հայտնում է The New York Times թերթը՝ հղում անելով ԱՄՆ անանուն պաշտոնյաներին։

 

Պարբերականի տվյալներով՝ նոր տարբերակները դուրս են գալիս այն առաջարկությունների շրջանակներից, որոնք Թրամփը քննարկել էր երկու շաբաթ առաջ, և ներառում են նաև Իրանի տարածքում գտնվող օբյեկտների դեմ ամերիկյան ուժերի հնարավոր հատուկ գործողություններ (ռեյդեր)։

 

Աղբյուրները նշում են, որ քննարկումները ընթանում են այլ համատեքստում, քանի որ Իսլամական Հանրապետությունում տեղի ունեցած բողոքի ցույցերը «առնվազն այս պահին ճնշվել են»։