Ռուսական կողմը կապի մեջ է իր հայ գործընկերների հետ․ Զախարովան՝ երկաթուղու տեղամասերը վերանորոգելու հարցի մասին
Քաղաքական
Ռուսական կողմը կապի մեջ է իր հայ գործընկերների հետ՝ Ադրբեջանի և Թուրքիայի սահմաններ տանող հատվածներում երկաթուղային գծերի վերականգնման հետ կապված։ Այս մասին հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան հունվարի 30-ին կայացած ամենշաբաթյա ճեպազրույցի ժամանակ։
«Ռուսական կողմը կապի մեջ է իր հայ գործընկերների հետ, այդ թվում՝ կառավարության տնտեսական բլոկի միջոցով։ Երևանից ստացված բոլոր հարցումները օպերատիվ կերպով մշակվում են համապատասխան գերատեսչությունների կողմից», - ասել է ռուս դիվանագետը։
Ինչ վերաբերում է «Թրամփի ուղուն», ապա, նրա խոսքով, Մոսկվան հաստատում է դրան միանալու հնարավոր տարբերակները ուսումնասիրելու պատրաստակամությունը՝ հաշվի առնելով «Ռուսական երկաթուղիների» եզակի փորձը:
«Սակայն նախ, հավանաբար, արժե ծանոթանալ այս նախաձեռնության իրականացման և շահագործման բոլոր մանրամասներին, քանի որ, ինչպես մենք հասկանում ենք, դրա մշակումը դեռևս սկզբնական փուլում է։ Մեր առաջարկը Երևանին՝ բոլոր շահագրգիռ գերատեսչությունների մասնակցությամբ առարկայական խորհրդակցություններ անցկացնելու վերաբերյալ, շարունակում է ուժի մեջ մնալ», - եզրափակել է նա։
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
