ՀԱՊԿ-ից հրաժարվելը մեծագույն աղետ կլինի մեր երկրի համար. Մենուա Սողոմոնյան (տեսանյութ)

Հայաստանում հայտնի քաղաքական գործիչներն ու փորձագետները քննարկել են անվտանգության նոր մարտահրավերները։ Նոր՝ եզակի ինտերակտիվ կլոր սեղանի ձևաչափ։

Տեղի է ունեցել կլոր սեղան՝ նոր և եզակի ինտերակտիվ նախագիծ «Մեծ քննարկում» խորագրով, որի շրջանակում Հանրապետության առաջատար փորձագետներն ու քաղաքական գործիչները քննարկել են Հայաստանի անվտանգության հարցերը, մարտունակ բանակի գոյությունը, տարածաշրջանային անվտանգության վրա ռուսական ռազմական բազայի ազդեցությունը, Սյունիքում տիրող իրավիճակը, «Թրամփի ճանապարհը», ռազմական ուժերի հավասարակշռության փոփոխությունները, ինչպես նաև մոտ ապագայում հնարավոր սպառնալիքները։

Բանախոսներն էին՝

— Սուրեն Սուրենյանց, «Ժողովրդավարական այլընտրանք» կուսակցության նախագահ
— Մենուա Սողոմոնյան, «Այակվե» միավորման անդամ
— Գառնիկ Իսագուլյան, «Ազգային անվտանգություն» կուսակցության նախագահ
— Հայկ Նահապետյան, ռազմական փորձագետ

Քննարկման մոդերատորն էր Վահան Բաբայանը՝ «Ռեֆորմիստների կուսակցություն» կուսակցության նախագահը։

Վահան Բաբայանը նշեց, որ սա առաջին այս ձևաչափի նախագիծն է և բացի ընդհանուր հարցերից՝ նա հնչեցնելու է նաև այն հարցերը, որոնք նա ստացել է լրագրողներից, փորձագետներից և ակտիվ քաղաքացիներից։

Վահան Բաբայանը հարց հնչեցրեց. «Եթե ՀՀ բանակի մեկ զինվորի վրա ծախսվում է 1 դոլար, Ադրբեջանը ծախսվում է 3,4 դոլար: ՀՀ բանակը կարողանալո՞ւ է դիմակայել այդ դժվարություններին»:

«Փաշինյանը երբ ասում է՝ մենք ուժեղ ենք լինելու ումի՞ց, սա մոլորեցնող հարցադրում է։ Որովհետև աշխարհում չկա այնպիսի պետություն, որը միշտ պահպանել է հեգեմոնիան, ուժեղ է եղել։ Ուժեղից ուժեղն է լինում։

Անվտանգության դիլեման այնպիսի մի կանոն է, երբ որևէ մի պետություն այդպես էլ չի կարողանում հասնել այդ պետությանը։ Երբ որ ասում ենք՝ անվտանգության համակարգը փլուզված է, նշանակում է, որ պետք անվտանգության այդ բաղադրիչը իսկապես ստեղծել։ Երբ որ նայում ենք իշխանությունների խոսույթին, անհասկանալի բաներ են առաջանում՝ կարծես թե մեր խնդիրը հիրիդային պատերազմերներն են, Ռուսաստանից կախում ունենալ-չունենալն է։ Բայց հարցումների 70%-ից ավելին Ադրբեջանի նպատակը գնահատում է՝ որպես հայոց պետականությանը վերջ դնելու ցանկություն։ Արտաքին բաղարիչը որքան էլ որ լավ աշխատի, երբ որ մենք չունենք նաև ներքին համերաշխություն, ներքին խաղաղություն, ոչ մի համակարգ չի կարող գործարկվել»,-ասաց Մենուա Սողոմոնյանը։

«Անվտանգությունը կոմպլեքս հասկացություն է, և պետք չէ դրա առանձին բաղադրիչը դիտարկել»,-ասաց Սողոմոնյանը։

«Հայաստանի իշխանությունները իրենց շահերից ելնելով՝ կրճատում են ԶՈւ ծառայության ժամկետը, կրճատում են ռազմական բյուջեն։ Օրինակ՝ ԲՏ նախարարությունը պետք է 1,5 մլրդ ֆինանսավորում հատկացներ բարձր տեխնոլոգիաների համար, բայց ընդամենը 1, 5 մլն դոլար է հատկացվել»,-ասաց  Սողոմոնյանը։

Նա, խոսելով Հայաստանի իշխանությունների կողմից ՀԱՊԿ-ին ուղղվող մեղադրանքներին, Սողոմոնյանը նշեց, որ ՀԱՊԿ-ից հրաժարվելը մեծագույն աղետ կլինի մեր երկրի համար»,-եզրափակեց Մենուա Սողոմոնյանը։

Մանրամասն՝ տեսանյութում։