Որքան գումար է ծախսվել «Վարչաբենդի» համերգի կազմակերպման վրա

Էկոնոմիկայի նախարար Գևորգ Պապոյանը Փաշինյանի ու մյուս գործընկերների հետ մասնակցում է Արմավիրի մարզի Մրգաշատ գյուղի Սուրբ Աստվածածին եկեղեցում կազմակերպված «պատարագին»։

Լրագրողների հետ զրույցում, խոսելով ուրբաթ օրը տեղի ունեցած «Վարչաբենդի» համերգի մասին, նա նշել է, որ այն «լավ մթնոլորտում» է անցել․

«Եթե լավ երաժշտություն է, լավ միջավայր, լավ մթնոլորտ, կարծում եմ՝ շատ տրամաբանական է, որ նաև բոլորի  տրամադրությունը լավ կլինի, բոլորին մաղթում եմ այդպիսի հետաքրքիր, ուրախ ուրբաթ երեկոներ»,– ասել է Պապոյանը:

Հարցին, թե պետական բյուջեից որքան գումար է ծախսվել համերգի կազմակերպման վրա, նա պատասխանել է․

«Զրո դրամ է ծախսվել պետական բյուջեից»։

Հարցին՝ իսկ ինչ միջոցներով է այն կազմակերպվել, նա նշել է․ «Իմ տեղեկություններով՝ կուսակցության միջոցներով»։