ԱՄՆ-ում կանխատեսել են՝ միջուկային զենքի ոլորտում հետ կմնան Ռուսաստանից

Ռուսաստանի և Միացյալ Նահանգների միջև կնքված «Նոր ռազմավարական սպառազինությունների կրճատման մասին» պայմանագրի (New START) դադարեցումը կարող է Միացյալ Նահանգներին ավելի թույլ դիրքում դնել, քանի որ Ռուսաստանը կարող է միջուկային մարտագլխիկներ ավելացնել ավելի արագ, քան Միացյալ Նահանգները։ The Financial Times-ին ասել է ամերիկացի դիվանագետ և քաղաքագետ, ԱՄՆ նախկին պետքարտուղարի՝ սպառազինությունների վերահսկողության հարցերով տեղակալ Ռոուզ Գոտեմոլը։

Գոտեմոլեի խոսքով՝ Ռուսաստանի նախագահ Վլադիմիր Պուտինի՝ պայմանագիրը երկարաձգելու վերաբերյալ առաջարկը ընդունելը «ակնհայտ որոշում» է Միացյալ Նահանգների համար, քանի որ եթե երկու երկրները սկսեն մրցակցել հրթիռների և ռմբակոծիչների վրա մարտագլխիկների քանակը մեծացնելու համար, ամերիկացիները կարող են հետ մնալ։

«Ռուսաստանը կարող է մարտագլխիկներ ավելացնել ավելի արագ, քան մենք», - նշել է Գոտեմոլը։