Մասկը հայտարարել է իր երկու ընկերությունների՝ SpaceX-ի և xAI-ի միավորման մասին

Ամերիկացի ձեռնարկատեր Իլոն Մասկին պատկանող SpaceX կորպորացիան ձեռք է բերել նրա մեկ այլ ընկերություն՝ xAI-ը։ Մասկը այս մասին հայտարարել է SpaceX կայքում հրապարակված հայտարարության մեջ։

Մասկի խոսքով՝ xAI-ի և SpaceX-ի միաձուլումը նպատակ ունի ստեղծել «Երկրի և նրա սահմաններից դուրս ամենաամբիցիոզ, ուղղահայաց ինտեգրված նորարարական շարժիչը»։ Մասկը բացատրել է, որ սա կներառի արհեստական ​​բանականություն, հրթիռներ, տիեզերական ինտերնետ, բջջային սարքերի հետ ուղիղ կապ և աշխարհի առաջատար հարթակ՝ իրական ժամանակի տեղեկատվության և խոսքի ազատության համար։