Փարիզի դատախազությունը Մասկի մասնակցությամբ լսումներ է նշանակել

Փարիզի դատախազությունը ամերիկացի ձեռնարկատեր և X սոցիալական ցանցի սեփականատեր Իլոն Մասկին հրավիրել է «ազատ լսումների»՝ հարթակի գործունեությանը վերաբերող գործով, հաղորդում է AFP լրատվական գործակալությունը։

Ավելի վաղ դատախազությունը հայտնել էր, որ Ֆրանսիայում X-ի գրասենյակներում խուզարկություններ են իրականացվել՝ Եվրոպոլի և Ֆրանսիայի ժանդարմերիայի կիբերհանցագործությունների դեմ պայքարի ստորաբաժանման մասնակցությամբ։

Ասվում է, որ խուզարկությունները հարթակի դեմ 2025 թվականի հունվարին սկսված հետաքննության մաս են կազմում։