Թրամփը հանրապետականներին կոչ է արել «ազգայնացնել» ԱՄՆ ընտրությունները

ԱՄՆ նախագահ Դոնալդ Թրամփը կոչ է արել հանրապետականներին «ազգայնացնել» ԱՄՆ ընտրությունները առնվազն «15 վայրերում»։ Ամերիկացի առաջնորդն այս հայտարարությունն արել է ՀԴԲ նախկին փոխտնօրեն Դեն Բոնջինոյի հետ պոդքաստում, հաղորդում է Reuters-ը։

Թրամփը պնդել է, որ 2020 թվականի ընտրություններում իր պարտությունը խարդախության արդյունք է։ Նախագահը պնդել է, որ միգրանտները ԱՄՆ են բերվել «քվեարկելու համար, և նրանք անօրինականորեն են քվեարկում»։ Նախագահը զարմանք է հայտնել, որ «հանրապետականները այս հարցում ավելի կոշտ դիրքորոշում չեն ընդունում»։

«Հանրապետականները պետք է ասեն. «Մենք ուզում ենք վերահսկողությունը ստանձնել»։ Մենք պետք է վերահսկողությունը ստանձնենք քվեարկության նկատմամբ առնվազն 15 վայրերում։ Հանրապետականները պետք է այն դարձնեն ազգային։ Կան նահանգներ, որտեղ նրանք արդարացիորեն չեն հաշվում ձայները։ Ես հաղթել եմ այդ նահանգներում, բայց նրանք ցույց են տալիս տարբեր արդյունքներ», - ասել է Թրամփը։