Ուկրաինայի զինված ուժերում ստեղծվել է ՀՕՊ անօդաչու համակարգերի նոր հրամանատարություն

Ուկրաինայի զինված ուժերը ստեղծել են հակաօդային պաշտպանության անօդաչու համակարգերի նոր հրամանատարություն՝ վերջին հարվածների ֆոնին։ Այդ մասին Telegram-ի իր ալիքում հայտնել է Ուկրաինայի ԶՈւ գլխավոր հրամանատար Ալեքսանդր Սիրսկին։

Նրա խոսքով՝ նոր կառույցի հրամանատարական կազմում ընդգրկվել են բարձր որակավորում ունեցող, մարտական փորձ ունեցող սպաներ, որոնք գործուղվել են Օդային ուժերից։ Սիրսկին նշել է, որ այս քայլը նպատակ ունի համակարգված կերպով ուժեղացնել անօդաչու թռչող սարքերի դեմ պայքարը և բարձրացնել հակաօդային պաշտպանության արդյունավետությունը։

Գլխավոր հրամանատարը նաև ընդգծել է, որ ուկրաինական կողմը մեծացնում է վարչական կենտրոնների և առաջնագծին մոտ շրջանների պաշտպանությունը՝ կիրառելով այսպես կոչվող «փոքր ՀՕՊ» միջոցներ։ Ավելի վաղ Սիրսկին հայտնել էր, որ ռազմական իրավապահ ծառայությունը հետաքննություն է անցկացնում Գուլյայպոլեում հրամանատարական կետի կորստի փաստով, որտեղ, նրա խոսքով, մնացել են կարևոր տեղեկություններ պարունակող նյութեր։