Միքայել Սրբազանը կրկին վիրահատության կենթարկվի

Շիրակի թեմի առաջնորդ Միքայել արքեպիսկոպոս Աջապահյանը կրկին վիրահատության կենթարկվի, 2-րդ վիրահատությունը նախատեսված է իրականացնել փետրվարի 10-ին։

«Միքայել Սրբազանի մոտ վիրահատությունից հետո նորից գանգատ է արձանագրվել և կատարվել են համապատասխան հետազոտություններ, որոնք ցույց են տվել, որ նախատեսվում է ևս մեկ վիրահատություն»,– դատական նիստին ասաց Մարինե Ֆարմանյանը։

Հիշեցնենք, որ այսօր Վերաքննիչ դատարանում Միքայել արքեպիսկոպոս Աջապահյանի գործի քննության ժամանակ պաշտպանական կողմը ներկայացրեց Միքայել Սրբազանի կալանքը վերացնելու միջնորդություն։ Դատական նիստի ավարտին նախագահող դատավոր Էդգար Մանասյանը հայտարարեց, որ Սրբազանի կալանքը վերացնելու միջնորդության վերաբերյալ որոշում դեռևս չի հրապարակվում, դատարանն այդ միջնորդությանը կանդրադառնա նաև հաջորդ դատական նիստում, որը կկայանա փետրվարի 6-ին։