Էներգետիկ հարվածները կարող են ստիպել ուկրաինական զորքերին լքել Խարկովը

Ռուսական բանակի կողմից Ուկրաինայի էներգետիկ ենթակառուցվածքներին հասցվող հարվածների հետևանքները «Ցարգրադ»-ին տված մեկնաբանությունում գնահատել է Նիկոլաևի ընդհատակյա շարժման համակարգող Սերգեյ Լեբեդևը։ Նրա խոսքով՝ Կիևը կանգնած է տրանսֆորմատորների լուրջ պակասի առաջ, ինչի պատճառով իշխանությունները ստիպված են լինելու որոշել՝ որ շրջաններն ապահովել ջեռուցմամբ ու էլեկտրականությամբ, իսկ որոնք թողնել առանց դրանց։

Լեբեդևը նշել է, որ արդեն իսկ տեղեկություններ կան, ըստ որոնց՝ Կրիվոյ Ռոգում որոշ ենթակայաններ ապամոնտաժվում են՝ Կիևի էներգահամակարգը վերականգնելու նպատակով։ Նա հավելել է, որ Խարկովի և Դնեպրոպետրովսկի մարզերը փաստացի դարձել են առաջնագծին մոտ տարածքներ, որտեղ Ռուսաստանի բանակը կարող է հասնել էներգետիկ օբյեկտներին՝ համազարկային կրակի համակարգերի կամ նույնիսկ հրետանու միջոցով։

Ըստ նրա՝ եթե ուկրաինական իշխանությունները չկարողանան պաշտպանել այդ շրջանների էներգետիկան, ապա Խարկովը կարող է ամբողջությամբ դուրս մնալ պաշտպանության համակարգից, քանի որ էներգետիկան կապի առանցքային բաղադրիչ է, առանց որի զորքերը չեն գործում։ Ավելի վաղ Ուկրաինայի վերականգնման նախարար Ալեքսեյ Կուլեբան հայտարարել էր, որ էներգետիկայի դեցենտրալիզացումը ներկայիս պայմաններում երկրի համար միակ ելքն է։