ՀՀ-ի և Ռուսաստանի միջև կան մի շարք աշխատանքային հարցեր խորհրդարանական գծով․ Մատվիենկո

Ռուսաստան-Հայաստան միջխորհրդարանական հանձնաժողովի հաջորդ նիստը կկայանա մարտին, հայտարարել է ՌԴ Դաշնության խորհրդի խոսնակ Վալենտինա Մատվիենկոն։

«Հայաստանի Ազգային ժողովի և ՌԴ Դաշնության խորհրդի միջև միջխորհրդարանական հանձնաժողովը շատ լավ է աշխատում։ Մարտին... հաջորդ նիստը կկայանա», - լրագրողներին ասել է Մատվիենկոն Հայաստանի խորհրդարանի խոսնակ Ալեն Սիմոնյանի հետ հանդիպումից հետո։

Նրա խոսքով՝ երկու երկրների միջև մի շարք կախված մնացած խորհրդարանական հարցեր կան։

«Մենք մեր կողմից, բնականաբար, կխրախուսենք գործադիր իշխանություններին դրանք ավելի արագ լուծել», - հավելել է Մատվիենկոն։

Նա նաև նշել է, որ Ռուսաստանի և Հայաստանի միջև առևտրատնտեսական համագործակցությունը հասել է շատ բարձր մակարդակի, որտեղ Ռուսաստանին բաժին է ընկնում Հայաստանի արտաքին առևտրի մոտ 33%-ը։ «Այս տարիների ընթացքում ռուսական բիզնեսը ավելի քան 4 միլիարդ դոլար է ներդրել Հայաստանում 40 նախագծերում», - ասել է Դաշնության խորհրդի խոսնակը։