ԱՄՆ աշխատաշուկայում անկում․ թափուր աշխատատեղերի թիվը նվազել է մինչև համավարակից ի վեր ամենացածր մակարդակը

ԱՄՆ-ում աշխատաշուկայում պահանջարկը նվազում է, իսկ թափուր աշխատատեղերի թիվը հասել է համավարակից ի վեր ամենացածր մակարդակին։ Այդ մասին հայտնում է CNN-ը՝ հղում անելով ԱՄՆ Աշխատանքի վիճակագրության բյուրոյի տվյալներին։ Դեկտեմբերի վերջի դրությամբ երկրում գրանցվել է մոտ 6,54 միլիոն թափուր աշխատատեղ։

Navy Federal Credit Union-ի գլխավոր տնտեսագետ Հիզեր Լոնգի գնահատմամբ՝ աշխատաշուկայի թուլացումը կարող է շարունակվել նաև առաջիկա ամիսներին։ ADP ընկերության տվյալներով՝ հունվարին ամերիկյան մասնավոր ընկերությունները ստեղծել են ընդամենը 22 հազար նոր աշխատատեղ, իսկ Challenger, Gray & Christmas ընկերության հաշվետվության համաձայն՝ գործատուները ծրագրել են աշխատանքի ընդունել միայն 5306 աշխատակից, ինչը հունվարի համար ամենացածր ցուցանիշն է դիտարկումների պատմության մեջ։

Միաժամանակ աճել է գործազրկության նպաստի համար դիմումների թիվը, իսկ հունվարին գործատուները հայտարարել են շուրջ 108 հազար աշխատատեղի կրճատման մասին՝ երեք անգամ ավելի, քան դեկտեմբերին։ Կրճատումների զգալի մասը կապված է Amazon և UPS ընկերությունների հետ։ Ընդհանուր առմամբ, նախորդ տարվա ընթացքում ԱՄՆ-ում աշխատանքից ազատվել է ավելի քան 75 հազար մարդ։