ԱՄՆ-ն Խաղաղ օվկիանոսում հարձակվել է նավի վրա․ երկու մարդ է զոհվել

ԱՄՆ ռազմածովային ուժերը հարվածել են Խաղաղ օվկիանոսի արևելքում գտնվող թմրանյութերի մաքսանենգության մեջ կասկածվող նավի։ Այս մասին հայտնել է ԱՄՆ հարավային հրամանատարությունը սոցիալական ցանցերում։

ԱՄՆ հետախուզության տվյալներով՝ նավը շարժվում էր թմրանյութերի մաքսանենգության հայտնի երթուղիներով։ Պաշտոնական հայտարարության համաձայն՝ նավի վրա հարվածը հասցվել է հետախուզության կողմից հարվածի հաստատումից հետո։ Նշանակետը ոչնչացվել է։

Հայտարարության մեջ ասվում է, որ գործողության ընթացքում սպանվել է երկու մարդ, ենթադրաբար՝ թմրավաճառներ։