Եվրահանձնաժողովը մեկնաբանել է Ֆրանսիայի ներկայացուցչի հնարավոր այցը Մոսկվա

Եվրահանձնաժողովը հայտարարել է, որ Ֆրանսիան տեղեկացրել է Բրյուսելին իր ներկայացուցչի հնարավոր այցի մասին Մոսկվա։ Այդ մասին ասել է Եվրահանձնաժողովի մամուլի ծառայության ղեկավար Պաուլա Պինյուն՝ նշելով, որ թեման չի քննարկվել Եվրահանձնաժողովի նախագահ Ուրսուլա ֆոն դեր Լայենի և Ֆրանսիայի նախագահ Էմանուել Մակրոնի հանդիպման ընթացքում։

Միաժամանակ, նրա խոսքով, այդ այցի վերաբերյալ որոշակի կապեր և տեղեկություններ փոխանցվել են եվրոպական կառույցներին։ Խոսքը վերաբերում է Ֆրանսիայի նախագահի դիվանագիտական խորհրդական Էմանուել Բոնի հնարավոր այցին Ռուսաստան։

Ավելի վաղ լրատվամիջոցները հայտնել էին, որ Բոնը կարող էր այցելել Մոսկվա՝ քննարկելու Եվրոպայի մասնակցությունը Ուկրաինայի շուրջ հակամարտության կարգավորման գործընթացին։ Սակայն Ելիսեյան պալատը այս տեղեկությունը ոչ հաստատել է, ոչ էլ հերքել։