Բլոգերը պատմել է՝ ինչու ԱՄՆ-ը «իդեալական» վայր չէ ծննդաբերության համար

Ռուսաստանցի թրավել-բլոգեր Մարինա Երշովան, այցելելով ԱՄՆ, հայտարարել է, որ այդ երկիրը ծննդաբերության համար այնքան էլ իդեալական չէ, որքան հաճախ ներկայացվում է։ Նա նշել է, որ շատ կանայք մեկնում են ԱՄՆ՝ հղիության վերջին ամիսներին՝ հույս ունենալով, որ երեխան ավտոմատ կստանա ամերիկյան քաղաքացիություն, սակայն իրականում բախվում են լուրջ ֆինանսական և կազմակերպչական դժվարությունների։

Բլոգերի խոսքով՝ առանց բժշկական ապահովագրության և իրավական կարգավիճակի ծննդաբերությունը ԱՄՆ-ում կարող է լինել շատ ծախսատար։ Կանայք ստիպված են վճարել ապահովագրության, հետազոտությունների, ծննդաբերության, հետծննդյան խնամքի, ինչպես նաև բնակարանի և ճանապարհածախսի համար։ Չնայած գոյություն ունեն սոցիալական աջակցության որոշ ծրագրեր, դրանք հիմնականում հասանելի չեն արտասահմանից ժամանած մարդկանց համար։

Երշովան նաև նշել է, որ ԱՄՆ-ում երեխայի ծնունդը չի ուղեկցվում պետական ֆինանսական աջակցությամբ, մինչդեռ Ռուսաստանում գործում են միանվագ վճարներ, նպաստներ և այլ սոցիալական ծրագրեր։ Նրա խոսքով՝ նույնիսկ ոչ իդեալական համակարգի դեպքում պետական աջակցությունը կարևոր է նորածնի ընտանիքների համար։