«Չայնիի» ոլորաններում բախվել են «Mazda»-ն, «Mercedes»-ը և «Ford»-ը

Այսօր՝ փետրվարի 7-ին, ավտովթար է տեղի ունեցել Կոտայքի մարզում։ Ժամը 12:20-ի սահմաններում Իջևան-Սևան-Երևան ավտոճանապարհի 127 կմ հատվածում, ժողովրդին հայտնի «Չայնիի» ոլորաններում, բախվել են Գեղարքունիքի մարզի բնակիչներ 21-ամյա Կորյուն Հ․-ի վարած «Mazda» մակնիշի, 59-ամյա Կարեն Ա․-ի վարած «Mercedes» մակնիշ և Կոտայքի մարզի բնակիչ 42-ամյա Հովհաննես Է․-ի վարած «Ford» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան։

Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում, որտեղ էլ պարզվում են ավտոմեքենաների սեփականատերերի ինքնությունները։