Ֆրանսիայի նախագահ Էմանուել Մակրոնը կմեկնի Հնդկաստան փետրվարի 17-ից 19-ը

Ֆրանսիայի նախագահ Էմանուել Մակրոնը փետրվարի 17-ից 19-ը պաշտոնական այցով կլինի Հնդկաստանում, հաղորդում է Reuters-ը՝ հղում անելով Հնդկաստանի արտաքին գործերի նախարարությանը։ Այցի ընթացքում նախատեսվում է քննարկել երկկողմ համագործակցությունը քաղաքական, տնտեսական և տեխնոլոգիական ոլորտներում։

Այցը տեղի է ունենալու Հնդկաստանի կողմից կազմակերպվող արհեստական ինտելեկտին նվիրված միջազգային գագաթնաժողովի շրջանակում, որին կմասնակցեն մի շարք երկրների առաջնորդներ և տեխնոլոգիական ոլորտի ներկայացուցիչներ։ Կողմերը նաև կքննարկեն պաշտպանական և ներդրումային համագործակցության խորացման հնարավորությունները։