Ֆինանսական մեծ ներհոսքեր են տեղի ունենալու․ Փաշինյան

Գործնական առումով ստացանք այն, ինչ սպասում էինք։ Հանրության շրջանում շատ դրական ընկալում ունեցավ Վենսի այցը: Այդ մասին Հանրային հեռուստաընկերության եթերում ասել է Նիկոլ Փաշինյանը։

«Մենք առաջին անգամ ԱՄՆ-ի հետ պաշտպանական ոլորտում իրականացնելու ենք համագործակցություն: Այս ամենը Խաղաղության օրակարգի արդյունքն է։ Միացյալ Նահանգների փոխնախագահը մեծ թվերի հրապարակումով ցույց է տալիս ԱՄՆ-ի քաղաքական կամքը՝ աջակցելու Հայաստանում ներդրումներ իրականացնելուն։ Հիմա, ըստ էության, ֆինանսական մեծ ներհոսքեր են տեղի ունենալու Հայաստանի Հանրապետություն»,-նշել է նա: