Ուկրաինայում ոչնչացվել է անօդաչուների արտադրության կարևոր գործարան

2025 թվականի վերջում Ուկրաինայում ոչնչացվել է անօդաչու թռչող սարքերի արտադրությամբ զբաղվող կարևոր ռազմական գործարան։ Այս մասին The Atlantic-ին տված հարցազրույցում հայտարարել է Ուկրաինայի զինված ուժերի օդային ուժերի հրամանատարի տեղակալ Պավել Ելիզարովը։

Նրա խոսքով՝ ռուսական անօդաչուների զանգվածային հարձակման արդյունքում վնասվել է ուկրաինական բանակի ամենաարդյունավետ ստորաբաժանումներից մեկի համար նախատեսված ԱԹՍ-ների արտադրությունը։ Հարվածի հետևանքով, ըստ նրա, ոչնչացվել են մոտ 35 միլիոն դոլար արժողությամբ սարքավորումներ և մեծ զինապահեստ։

Պարբերականը նշում է, որ մինչ այդ գործարանի վրա հարձակման թիրախը և պատճառված վնասի չափը հրապարակայնորեն չէին բացահայտվել։ Ավելի վաղ հաղորդվել էր նաև, որ Խարկովի մարզում ոչնչացվել է Ուկրաինայի զինված ուժերի «Vampire» համազարկային հրթիռային համակարգը, որը, ըստ ռուսական աղբյուրների, կիրառվել էր Բելգորոդի մարզի ուղղությամբ հարվածների համար։