Սլովակիայի վարչապետը բացահայտել է՝ ինչպես կարող է ԵՄ-ն ցուցադրել իր ուժը

Եվրամիությունը կցուցադրի իր ուժը՝ Ռուսաստանի Դաշնության հետ բանակցություններ սկսելով, այլ ոչ թե շարունակելով իր պատժամիջոցների քաղաքականությունը և թուլություն ցուցաբերելով։ Այս մասին հայտարարել է Սլովակիայի վարչապետ Ռոբերտ Ֆիցոն Սլավկովի ձևաչափի (Ավստրիա, Սլովակիա և Չեխիա) հանդիպումից հետո տեղի ունեցած մամուլի ասուլիսում, հաղորդում է ՌԻԱ Նովոստին։

«Փոխանակ մեր ուժը ցույց տալու՝ Ռուսաստանի հետ որպես Եվրամիություն բանակցելով, նրանց համոզելով, մենք ընդունում ենք 20-րդ պատժամիջոցների փաթեթը փակ դռների հետևում և կարծում ենք, որ ուժեղ ենք այս հարցում», - ասել է նա։

Քաղաքական գործչի խոսքով՝ ԵՄ-ն ուժեղ կլինի, երբ միության անդամ պետությունների ղեկավարները «համարձակություն ունենան բանակցելու» Մոսկվայի հետ։