WSJ․ Կարիբյան ծովում բախվել են ԱՄՆ ռազմածովային ուժերի երկու նավ

Կարիբյան ծովում բախվել են ԱՄՆ ռազմածովային ուժերի էսկադրենային ականակիր USS Truxtun-ը և մատակարարման USNS Supply նավը։ Դեպքը տեղի է ունեցել դրանցից մեկի վառելիքի լիցքավորման ժամանակ, հայտնում է The Wall Street Journal-ը։

ԱՄՆ Հարավային հրամանատարության ներկայացուցիչ Էմմանուել Օրտիսի խոսքով՝ բախման հետևանքով երկու մարդ ստացել է թեթև վնասվածքներ, սակայն նրանց վիճակը կայուն է։ Երկու նավերն էլ կարողացել են շարունակել նավարկությունը՝ առանց լուրջ տեխնիկական խնդիրների։

Բախման պատճառները դեռևս պարզ չեն, ինչպես նաև չի նշվում միջադեպի ճշգրիտ վայրը։ Պաշտոնական տվյալներով՝ այն տեղի է ունեցել Հարավային հրամանատարության պատասխանատվության գոտում, որը ներառում է Կարիբյան ավազանը և Ատլանտյան ու Խաղաղ օվկիանոսների հարավային հատվածները։