Եվրոպական Ariane 6 հրթիռը առաջին անգամ ուղեծիր է դուրս բերել Amazon-ի արբանյակները

Եվրոպական Ariane 64 հրթիռը հաջողությամբ ուղեծիր է դուրս բերել ամերիկյան Amazon Leo արբանյակները։ Այս մասին հայտնում է NSF պորտալը։ Ariane 6 կրող հրթիռը՝ չորս պինդ վառելիքով արագացուցիչներով (Ariane 64 տարբերակ), 32 արբանյակով մեկնարկել է Ֆրանսիական Գվիանայում գտնվող Կուրու տիեզերակայանից փետրվարի 12-ին։ Տիեզերական սարքերի ուղեծիր դուրսբերման առաքելությունը տևել է մոտ 114 րոպե։

Այս թռիչքը դարձել է Ariane 64 տարբերակի առաջին գործարկումը։ Մինչ այդ Ariane 6 հրթիռը հինգ անգամ օգտագործվել էր երկու կողային արագացուցիչներով (Ariane 62 տարբերակով)։ Բացի այդ, այս առաքելության ընթացքում առաջին անգամ կիրառվել է հրթիռի երկարացված գլխամասային պաշտպանիչ ծածկը։

Ավելի վաղ հաղորդվել էր, որ եվրոպական ArianeGroup ընկերությունում սպասվում են ղեկավարության փոփոխություններ․ գլխավոր տնօրեն Մարտին Սիոնին կփոխարինի Քրիստոֆ Բրյունոն։ Միաժամանակ ընկերությունը պայմանագիր է կնքել MT Aerospace ձեռնարկության հետ՝ Ariane 6 հրթիռների համար բաղադրիչների մատակարարման վերաբերյալ, ինչը նախատեսված է 27 արձակման համար։