ԱՄՆ-ում հայտնել են՝ որ երկիրը կարող է օգնել վերջ դնել Ուկրաինայի հակամարտությանը

Չինաստանը կարող է «վաղը» վերջ դնել Ուկրաինայի հակամարտությանը՝ Ռուսաստանի նախագահ Վլադիմիր Պուտինին մեկ զանգով։ Այս մասին հայտարարել է ՆԱՏՕ-ում ԱՄՆ դեսպան Մեթյու Ուիթաքերը Մյունխենի համաժողովում, հաղորդում է Bloomberg-ը։

«Չինաստանը կարող է վաղը զանգահարել Վլադիմիր Պուտինին և դադարեցնել ռազմական գործողությունները։ Նրանք կարող են նաև դադարեցնել Ռուսաստանին կրկնակի նշանակության տեխնոլոգիաների վաճառքը և ռուսական նավթի ու գազի գնումը», - հայտարարել է Ուիթաքերը։

Դեսպանի խոսքով՝ Չինաստանը «լիովին աջակցում է» Ռուսաստանին Ուկրաինայի հակամարտության մեջ։ Եվ ռազմական գործողությունների սկզբից ի վեր Ռուսաստանը և Չինաստանը «ավելի են ամրապնդել» իրենց գործընկերությունը, նշել է Ուիթաքերը։ Նա պնդել է, որ Ռուսաստանը, իբր, «կախված է» Չինաստանից՝ անօդաչու թռչող սարքերի և այլ ռազմական տեխնիկայի «կարևոր» մասերի և բաղադրիչների մատակարարման համար։ Ուիթաքերը նաև ընդգծել է, որ Չինաստանը ռուսական հում նավթի ամենամեծ գնորդն է։ Հետևաբար, նա կարծում է, որ Չինաստանը կարող է ազդել Ռուսաստանի դիրքորոշման վրա ճգնաժամի լուծման հարցում։