ՀԱՊԿ-ը ուշադիր հետևում է Հայաստանի քայլերին․ ՌԴ ԱԳՆ

Հավաքական անվտանգության պայմանագրի կազմակերպությունը (ՀԱՊԿ) ուշադիր հետևում է Հայաստանի քայլերին՝ գնահատելու դրանց համապատասխանությունը կազմակերպության շրջանակում ստանձնած պարտավորություններին, ՏԱՍՍ-ին տված հարցազրույցում հայտարարել է Ռուսաստանի փոխարտգործնախարար Միխայիլ Գալուզինը։

Նախարարի տեղակալի խոսքով՝ ՀԱՊԿ-ի շրջանակներում համագործակցության համատեքստում Մոսկվայի համար ամենակարևորը, ինչպես բազմիցս ընդգծել է Ռուսաստանի նախագահ Վլադիմիր Պուտինը, այն է, որ Երևանը մնա կազմակերպության լիիրավ անդամ։

«Մենք Հայաստանին չենք թողնում դաշնակցային համագործակցությունից դուրս. մենք պահպանում ենք նրա հնարավորությունը միանալու կազմակերպության շրջանակներում մշակվող բոլոր որոշումներին։ Միևնույն ժամանակ, իհարկե, շարունակում ենք ուշադիր հետևել մեր գործընկերների քայլերին Արևմուտքի հետ հարաբերություններում, այդ թվում՝ դրանց համապատասխանությանը ՀԱՊԿ-ի շրջանակում ստանձնած պարտավորություններին», - հավելել է նա։