ՊԵԿ աշխատակիցները պահանջել են 9 մլն դրամ կաշառք՝ խախտումները չարձանագրելու համար

Իրավունք 15 Փետրվար, 2026 13:59

Փետրվարի 13-ին Հակակոռուպցիոն դատարն գործ է ստացվել այն դեպքի առնչությամբ, ըստ որի՝ ՊԵԿ-ի գլխավոր օպերլիազորի աշխատակիցները խանութի սեփականատերերից պահանջել են 9.000.000 ՀՀ դրամ կաշառք՝ հայտնաբերված խախտումները չարձանագրելու դիմաց։ Գործը մակագրվել է դատավոր Լևոն Պետրոսյանին։ Այս մասին հայտնում է Iravaban.net-ը՝ Դատալեքս դատական տեղեկատվական հարթակին հղումով։

Մեղադրական եզրակացություն

Կ․Ս․-ին մեղադրանք է առաջադրվել այն բանի համար, որ նա և Ա․է․-ը, հանդիսանալով պաշտոնատար անձինք’ հետաքննության մարմնի աշխատակիցներ, զբաղեցնելով ՀՀ պետական եկամուտների կոմիտեի հետաքննության և օպերատիվ-հետախուզության վարչության 14-րդ բաժնի գլխավոր օպերլիազորի պաշտոնները, ի թիվս այլնի, օժտված լինելով, օպերատիվ-հետախուզական գործունեություն իրականացնելու, հարկային իրավախախտումների վերաբերյալ առկա տեղեկությունների, ինչպես նաև հարկային հանցագործությունների կատարման մասին վկայող այլ փաստերի և հանգամանքների առկայության դեպքում համապատասխան օպերատիվ-հետախուզական, քրեադատավարական միջոցառումներ իրականացնելու, ըստ ոլորտների ռիսկային տնտեսվարող սուբյեկտների ցանկերի առանձնացման, ուսումնասիրության, վերլուծության և հսկողական անհրաժեշտ աշխատանքների կազմակերպման լիազորություններ, 2026 թվականի հունվարի 12-ին այցելել են Ստեփանավան քաղաքի X հասցեում գտնվող անհատ ձեռնարկատեր Ա.Ա.-ին և վերջինիս եղբորը’ Ա.Ա.-ին պատկանող «X» հանրախանութ, որտեղ Ա.Ա.-ի և Ա.Ա.-ի օգտին հովանավորչության և ապօրինի անգործության, այն է` նշված հանրախանութում ստուգումներ չիրականացնելու, տպերմարկետը ժամանակավորապես չփակելու, առևտուրը չարգելելու, աշխատակիցներից բացատրություններ վերցնելու նպատակով Երևան քաղաք չտանելու, ինչպես նաև խախտումներ լինելու դեպքում դրանք չարձանագրելու և տուգանք չնշանակելու համար, նախնական համաձայնությամբ խմբի կազմում Ա.Ա.-ից և Ա.Ա.-ից պահանջել են մինչև տվյալ աշխատանքային օրվա ավարտը տալ առանձնապես խոշոր չափերով` 9.000.000 ՀՀ դրամ կաշառք:

Ա.է.-ին մեղադրանք է առաջադրվել այն բանի համար, որ նա և Կ.Ս.-ը, հանդիսանալով պաշտոնատար անձինք’ հետաքննության մարմնի աշխատակիցներ, զբաղեցնելով ՀՀ պետական եկամուտների կոմիտեի հետաքննության և օպերատիվ-հետախուզության վարչության 14-րդ բաժնի գլխավոր օպերլիազորի պաշտոնները, ի թիվս այլնի, օժտված լինելով, օպերատիվ-հետախուզական գործունեություն իրականացնելու, հարկային իրավախախտումների վերաբերյալ առկա տեղեկությունների, ինչպես նաև հարկային հանցագործությունների կատարման մասին վկայող այլ փաստերի և հանգամանքների առկայության դեպքում համապատասխան օպերատիվ-հետախուզական, քրեադատավարական միջոցառումներ իրականացնելու, ըստ ոլորների ռիսկային տնտեսվարող սուբյեկտների ցանկերի առանձնացման, ուսումնասիրության, վերլուծության և հսկողական անհրաժեշտ աշխատանքների կազմակերպման լիազորություններ, 2026 թվականի հունվարի 12-ին այցելել են Ստեփանավան քաղաքի X հասցեում գտնվող անհատ ձեռնարկատեր Ա.Ա.-ի և վերջինիս եղբոր’ Ա.Ա.-ի կողմից օգտագործվող «X» հանրախանութ, որտեղ Ա.Ա.-ի և Ա.Ա.-ի օգտին հովանավորչության և ապօրինի անգործության, այն է’ նշված հանրախանութում ստուգումներ չիրականացնելու, սուպերմարկետը ժամանակավորապես չփակելու, առևտուրը չարգելելու,աշխատակիցներից բացատրություններ վերցնելու նպատակով Երևան քաղաք չտանելու, ինչպես նաև խախտումներ լինելու դեպքում դրանք չարձանագրելու և տուգանք չնշանակելու համար, նախնական համաձայնությամբ խմբի կազմում Ա.Ա.-ից և Ա.Ա.-ից պահանջել են մինչև տվյալ աշխատանքային օրվա ավարտը տալ առանձնապես խոշոր չափերով’ 9.000.000 ՀՀ դրամ կաշառք:

Կ․Ս․-ին և Ա.է.-ին խափանման միջոց կիրառվել է կալանքը։

Կ․Ս․-ին և Ա.է.-ին մեղադրանք է առաջադրվել ՀՀ ՔՕ 435-րդ հոդվածի 3-րդ մասի 2-րդ և 3-րդ կետերով։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: