ԱՄՆ-ում զենքի պատվերներն անցնում են 900 միլիարդ դոլարը

ԱՄՆ պետական քարտուղար Մարկո Ռուբիոն և Պենտագոնի ղեկավար Փիթ Հեգսեթը գրում են USA Today-ում, որ ամերիկյան զենքի վաճառքը շարունակում է աճել և ներկայում կազմում է համաշխարհային շուկայի 43%-ը։ Վերջին տվյալներով, ավելի քան 16 000 ընթացիկ պատվերների ընդհանուր արժեքը գերազանցում է 900 միլիարդ դոլարը։

Նրանց խոսքով՝ այն դաշնակիցներն ու գործընկերները, որոնք նախապես վճարում են, ստիպված են սպասել տարիներով, մինչև ԱՄՆ-ն արտադրի բավարար զենք և կարողանա բավարարել նաև նրանց պահանջները։ Սպասման երկար ժամկետները հաճախ խթանում են դաշնակիցներին փնտրել այլ մատակարարների, որոնք խոստանում են ավելի արագ առաքում, անգամ եթե առաջարկվող արտադրանքը ցածրորակ է։

Ռուբիոն և Հեգսեթը նշում են, որ ԱՄՆ կառավարությունը ստիպված է եղել վերանայել զենքի վաճառքի քաղաքականությունը՝ կրճատելու սպասման ժամկետներն ու իջեցնելու ծախսերը։ Նոր ռազմավարությունը, ըստ նրանց, ապահովում է ամերիկյան պաշտպանական արդյունաբերության վերականգնում, արտադրության կարողությունների ընդլայնում և հարյուրավոր միլիարդների նոր ներդրումներ արտադրական գծերում, հայտնում է TASS-ը: