Գերմանիան վերագնահատում է վեցերորդ սերնդի կործանիչի անհրաժեշտությունը

Գերմանիայի կանցլեր Ֆրիդրիխ Մերցը բարձրաձայնեց հարց, թե արդյոք Գերմանիայի օդային ուժերին դեռ անհրաժեշտ է վեցերորդ սերնդի կործանիչը, հիշատակելով FCAS ծրագիրը, որի շրջանակում նախատեսվում է նման կործանիչի մշակումը: Մերցը ընդգծեց, որ նախագիծը շատ մեծ ծախսեր է պահանջում, իսկ պահանջարկը առաջիկա տասնամյակներում կարող է փոխվել, հայտնում է Reuters-ը։

Նա նաև հավելեց, որ Գերմանիան պատրաստ է համագործակցել այլ երկրների հետ՝ անհրաժեշտության դեպքում: FCAS ծրագիրը, որը սկսել են 2017-ին Ֆրանսիայի, Գերմանիայի և Իսպանիայի մասնակցությամբ, վերջին տարիներին ձգձգվել է արդյունաբերական տարաձայնությունների պատճառով: Փորձագետները սպասում են, որ Գերմանիան և Ֆրանսիան կդադարեցնեն համատեղ կործանիչի մշակումը, բայց կշարունակեն համագործակցությունը անօդաչու սարքերի և թվային կառավարման համակարգերի ոլորտներում: